Шуурхай мэдээ
  Нүүр     Эрүүл
Бяцхан үрсийнхээ тоглоомнуудыг та хэрхэн цэвэр байлгах ёстой вэ?

Үр хүүхэддээ бүхнээ зориулдаг эцэг эхчүүд маань шүд ургахад нь хазах, оюун ухаан хөгжүүлэх, унах машин, хөдөлдөг хүүхэлдэй гэх мэт олон төрлийн тоглоом авч өгдөг. Гэхдээ тэр тоглоомуудыг угааж цэвэрлэдэг айл төдийлөн их биш. Хүүхэд ямар ч тоглоомыг ам руугаа хийж амтлах дуртай учраас заавал угаах шаардлагатай. Тэр тоглоом гэрийн аль ч хэсэгт очсон байж болно. Угаалгын өрөө, үүдний өрөө, хогийн сав гэх мэт.

Хүүхэд чинь гэртээ байсан ч ханиад хүрчихээд байвал гол буруутан нь угааж цэвэрлээгүй тоглоом гэдэгт итгэлтэй байж болно.

Учир нь ханиадыг үүсгэдэг 200 гаруй вирусын тал нь бохир тоглоомонд агуулагддаг.

Тиймээс хүүхдийн тоглоомыг хэрхэн цэвэрлэх тухай хэдэн зөвлөгөөг хүргэе. Өдөр бүр угаахгүй ч эдгээр тохиолдолд заавал угааж заншаарай. Үүнд:

-Хүүхэд ханиад хүрээд эдгэсний дараа

-Гэрт бага насны хүүхдүүд ирж тоглоомоор хамт тоглосны дараа

-Тоглоомон дээр хоолн асгарсны дараа

-Айлын хүүхэд, том хүн тоглоомыг амандаа хийсэн бол

-Гадны гуталтай явдаг газар тоглоомыг унагаасан бол

Тоглоом цэвэрлэх хамгийн амархан арга бол савантай усанд угаах юм. Нүүр гарын болон биеийн савангийн оронд аяга таваг угаагч шингэнийг сонговол илүү сайн.

-Усанд орсны дараа резинен тоглоомуудын усыг нь заавал шавхаж хуурай болгож хадгалаарай.

-Угаасны дараа цагаан цуу, ус хоёрыг тэнцүү хэмжээнд хольсон уусмалаар тоглоомыг шүршиж ариутгана. Эсвэл архи, ус хоёрыг хольсон ч болно.

-Буцалсан халуун усанд тоглоомоо хийгээд 10 минут дүрж ариутгаж болно.

-Чихмэл тоглоомуудыг угаалгын машинаар угаавал зүгээр.

-Хоолны үлдэгдлийг порлоноор цэвэрлэж ав.

Эвлүүлдэг буюу хуванцар тоглоомуудыг цэвэрлэхийн тулд саванд бага зэрэг аяга таваг угаагч шингэн нэмсэн бүлээн ус хийгээд хөөсрүүлсний дараа бүх тоглоомоо хийж сайтар хутгаж өгнө.

 

: 2016-01-28 10:59:02 : 4542

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Бидэнтэй нэгдэх