Шуурхай мэдээ
  Нүүр     Нийгэм
Төрийн банкны гүйцэтгэх захирлын орлогч Т.Дорждэрэмийг баривчилжээ

Төрийн банкны орлогч захирал Т.Дорждэрэмийг Авлигатай тэмцэх газрын Мөрдөн шалгах хэлтсийн ажилтнууд өнгөрсөн баасан гаригт баривчилжээ.

“Зоос” болон Хадгаламж банкны буурин дээр бий болсон, Монгол Улсын банк санхүүгийн зах зээлийн тогтвортой байдлыг хангах, харилцагчийн эрх ашгийг хамгаалах, эрсдэлгүй үйлчилгээ үзүүлэх зорилготой төрийн өмчит банкны орлогч захирлыг чухам ямар үндэслэлээр баривчилсныг ажилтнууд нь сайн мэдэхгүй байна.

Хууль хяналтын байгууллагынхан ч ихэд нууцалж буй юм. Нэрээ хэлэхийг хүсээгүй эх сурвалжийн хэлснээр Т.Дорждэрэмийг Эрүүгийн хуулийн 268 дугаар зүйлд заасан хээл хахууль авсан, эрх мэдлээ урвуулан ашигласан, банкны хууль тогтоомж зөрчсөн гэх үндэслэлээр сэжигтнээр тооцон, цагдан хорих захирамж шүүгч гаргасан байна.

Төрийн банкны гүйцэтгэх захирлын орлогч хэмээх албан тушаалаа ашиглан их хэмжээний найдваргүй зээл бусдад олгосон, ингэхдээ бусдаас хахууль авсан гэж түүнийг буруутгаж буй бөгөөд хэдий хэмжээний хохирол учруулсан нь аудитын болон шинжээчдийн дүгнэлтээр тодорхой болох аж.

Төрийн өмчит банкны хөрөнгийг зориулалт бусаар зарцуулж, найдваргүй зээл их хэмжээгээр олгосон хэрэгт Т.Дорждэрэмээр тогтохгүй, тус банкны хэд хэдэн албан тушаалтныг баривчилж болзошгүй байгаа юм байна.


: 2016-09-12 10:50:09 : 40602

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Бидэнтэй нэгдэх