Өнөөдрийн мэдээ

Өмнөх мэдээ

“Эрдэнэс-Тавантолгой” ХК-ийн ажилчид хөдөлмөрийн аюулгүй байдал, эрүүл ахуйн сургалтад хамрагдаж байна

Хөдөлмөрийн аюулгүй байдал, эрүүл ахуйн тухай хуулийн дагуу "Эрдэнэс-Тавантолгой” ХК-иас жил бүр нийт ажилчдыг хамруулсан сургалт зохион байгуулдаг. Энэхүү сургалт нь Хөдөлмөрийн аюулгүй байдал, эрүүл ахуйн чиглэлээр компанийн нийт ажилтны эзэмшсэн мэдлэгийг бататгах, шинээр мөрдөгдөж буй журам, горимуудыг танилцуулж, ажилтны мэдлэгийг дээшлүүлэх, эрүүл аюулгүй ажиллах зан үйлийг төлөвшүүлэх зорилготой юм.

Энэ жилийн хувьд тус сургалтад компанийн нийт ажилчдыг хамруулахаар 5 дугаар сарын 29, 06 дугаар сарын 05, 08, 12, 19-ний өдрүүдэд зохион байгуулж байна. 

Өнөөдөр /2019.06.05/ болсон сургалтад салбарын А ээлжийн ажилтнууд хамрагдлаа. Сургалтыг нээж "Эрдэнэс-Тавантолгой” ХК-ийн Гүйцэтгэх захирал Б.Ганхуяг үг хэлсэн юм. Тэрбээр, "Эрдэнэс-Тавантолгой” ХК-ийн тэргүүн зорилт бол хөдөлмөрийн аюулгүй байдал, эрүүл ахуйн асуудал юм. Хөдөлмөрийн аюулгүй байдлыг хангаснаар компанийн хөгжил тогтвортой байна. Аливаа компанийн ашгийн суурь нь хөдөлмөрийн аюулгүй байдал, ажилчдын бүтээмж байдаг. "Эрдэнэс-Тавантолгой” ХК-ийн нэг уурхайчин жилд 2.6 тэрбум төгрөгийн бүтээмжтэй ажиллаж байна. Үүний баталгаа нь хөдөлмөрийн аюулгүй байдал. "Эрдэнэс-Тавантолгой” ХК олон улсын зах зээлд IPO гаргахаар ажиллаж байна. IPO гаргах ажлыг эрчимтэй явуулахын тулд Хөдөлмөрийн аюулгүй байдлын олон улсын стандартуудыг авч хэрэгжүүлэх хэрэгтэй, энэ бүхэн амжилттай хэрэгжиж байна” гэсэн юм. 

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр