Өнөөдрийн мэдээ

Өмнөх мэдээ

"Монголын тамирчдын өдөр"-өөр спортыг сурталчилна

“Монголын тамирчдын өдөр”-ийг энэ сарын 22-нд Спортын төв ордны өмнөх талбайд зохион байгуулахаар боллоо. Уг өдөрлөгийг спортын салбар дахь ололт амжилт, олимпизмийн үзэл санаа, шинээр байгуулагдсан спорт холбоодыг олон нийтэд мэдээлж сурталчлах, иргэдэд спортын үйлчилгээ үзүүлэх, салбарын албан хаагч, ажилтныг шагнан урамшуулж алдаршуулах, олимп, паралимпын медальтан, олимпын наадамд оролцогчдод хүндэтгэл үзүүлэх зорилгоор жил бүр тэмдэглэдэг уламжлалтай.
 
Өдөрлөгийн үйл ажиллагааны хүрээнд “Монголын тамирчдын өдөр” болон “Олон улсын олимпын өдөр”-т зориулсан ёслол хүндэтгэлийн арга хэмжээ, “Токио олимп сан”-гийн нээлт, нийслэл, дүүргийн биеийн тамир, спортын хороо, спортын холбоод, спортын чиглэлээр үйл ажиллагаа явуулдаг аж ахуйн нэгж, байгууллага, брэндийн үйл ажиллагааны сурталчилгаа болон спорт, урлагийн үзүүлбэр тоглолт болох ажээ.
 
Мөн энэ өдөр Монголын үндэсний олимпын хорооны музей, дүүргүүдийн биеийн тамир, спортын хорооны спорт заал, талбацг иргэдэд үнэ төлбөргүй ашиглуулах аж.
 
 
Э.Энхдөл
Эх сурвалж: "Монголын үнэн" сонин

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр