Өнөөдрийн мэдээ

Өмнөх мэдээ

Д.Эрдэнэбилэг суллагджээ

Худалдаа хөгжлийн банкны ТУЗ-ын дарга Д.Эрдэнэбилэгийг АТГ-аас шалгаж буй. Түүнийг “Эрдэнэт” үйлдвэрийн 49 хувийг ОХУ-ын талаас худалдаж авахдаа хууль зөрчсөн гэх үндэслэлээр буруутган 30 хоногийн хугацаатай цагдан хорьсон билээ.
Тодруулбал, Худалдаа хөгжлийн банкны ТУЗ-ийн дарга Д.Эрдэнэбилэгийг, О.Орхон, Ц.Пүрэвтүшин, Б.Мөнхбаатар нарын хамтаар Эрүүгийн хуулийн 20.3-1 дэх хэсэгт заасан “Гэмт хэрэг байнга үйлдэж ашиг олох зорилгоор урьдчилан нэгдсэн гурав, түүнээс олон хүнтэй тогтвортой бүлэг байгуулсан, бусдыг элсүүлсэн, татан оролцуулсан” гэсэн үндэслэлээр яллагдагчаар тооцсон юм.
Өнгөрсөн тавдугаар сарын 29-нд АТГ-ын мөрдөн шалгах хэлтсээс Нийслэлийн прокурорт Д.Эрдэнэбилэгийг цагдан хорих хүсэлтээ илгээсэн байдаг. Прокурор хүсэлтийг Баянзүрх , Сүхбаатар, Чингэлтэй дүүргийн эрүүгийн анхан шатны шүүхэд шилжүүлсэн билээ.
Шүүгчид АТГ, Нийслэлийн прокурорын газрын гаргасан Д.Эрдэнэбилэгийг цагдан хорих хүсэлт хууль зүйн үндэслэлтэй байна хэмээн үзсэн. Түүнийг 30 хоног шүүхийн шийдвэр гүйцэтгэх ерөнхий газрын харьяа Цагдан хорих 461 дүгээр хорих ангид саатуулаад байсан юм. Тэгвэл өчигдөр Баянзүрх,Сүхбаатар, Чингэлтэй дүүргийн эрүүгийн анхан шатны шүүх Д.Эрдэнэбилэгийг суллах шийдвэр гаргасан байна.



 

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр