Өнөөдрийн мэдээ

Өмнөх мэдээ

Хотын Захирагч АНУ-ын “Sabertec” компанийн гүйцэтгэх захирлыг хүлээн авч уулзлаа

Нийслэлийн Засаг дарга бөгөөд Улаанбаатар хотын Захирагч С.Амарсайхан өнөөдөр АНУ-ын “Sabertec” компанийн гүйцэтгэх захирал Билл О.Браяныг хүлээн авч уулзлаа.

Уулзалтын эхэнд АНУ-ын “Sabertec” компанийн гүйцэтгэх захирал Билл О.Браян компанийнхаа үйл ажиллагаа болон өөрсдийн үйлдвэрлэдэг автомашины яндангийн шүүлтүүрийн талаар хотын Захирагчид танилцуулав. Тэрбээр “Манай компани олон жилийн дадлага туршлагад суурилан шинэ дэвшилтэт технологийг ашиглан автомашины хөдөлгүүрийн утаанаас үүдэлтэй агаарын бохирдлыг бууруулах шүүлтүүр үйлдвэрлэдэг. Энэ бүтээгдэхүүнээрээ бид нийслэл хоттой хамтарч, Улаанбаатар хотын агаарын бохирдлыг бууруулахад өөрсдийн хувь нэмрийг оруулан, хамтарч ажиллахыг хүсч байна” гэдгээ уламжлав.

Нийслэлийн Засаг дарга бөгөөд Улаанбаатар хотын Захирагч С.Амарсайхан “Улаанбаатар хотын өмнө тулгамдаж байгаа асуудлуудын нэг болох агаарын бохирдлын 10 гаруй хувь нь тээврийн хэрэгслээс үүдэлтэй. Тээврийн хэрэгслийн ихэнх нь 10 гаруй жил ашиглагдсан, ашиглалтын шаардлага хангахгүй автомашин байдаг учраас хорт утаа маш ихээр ялгаруулдаг. Танай компанийн шүүлтүүр нь автомашины хөдөлгүүрийн утаанаас үүдэлтэй агаарын бохирдлын асуудлыг шийдвэрлэх орчин үеийн технологи гэдгийг сонссон. Бид Улаанбаатар хотын агаарын бохирдлыг бууруулах чиглэлд олон томоохон ажлуудыг хийж байна. Танай компанитай хамтарч ажиллах асуудлыг манай холбогдох байгууллагууд судалж үзэх болно” хэмээсэн юм.

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр