Өнөөдрийн мэдээ

Өмнөх мэдээ

Улаанбаатар-Улан Үд чиглэлд холимог тээвэр явж эхэллээ

 

Мэргэжлийн Засгийн газрын 100 хоног энэ өдрүүдэд тохиож байна. Энэ хугацаанд Зам тээврийн хөгжлийн яам тээврийн салбарын хөгжил,аюулгүй байдал иргэдийн ая тухтай зорчих тал дээр түлхүү анхаарал хандуулжээ.

Тухайлбал, Монгол болон ОХУ Улан-Үдийн чиглэлд холимог тээврийн коридорыг нэвтрүүлэх туршилтыг амжилттай эхлүүлээд байгаа аж.

Ингэхдээ Улаанбаатар-Сэлэнгэ-Улан-Үдэ чиглэлд төмөр зам болон улс хоорондын автобусаар зорчих холимог тээврийн үйлчилгээг өнгөрсөн амралтын өдрүүдэд туршилтаар эхлүүлжээ. Тодруулбал, дээрх чиглэлд автобус, галт тэрэг, орон нутгийн зорчих тээвэр гээд олон тасалбар авах шаардлагагүй болсон байна.

Монгол болон ОХУ хооронд харилцан визгүй зорчдог болсноор иргэдийн харилцан зорчих урсгал өдөр бүр нэмэгдсээр байгаа аж. Тиймээс энэ урсгалын бодит аюулгүй байдлыг хангахад анхаарч холимог тээврийг нэвтрүүлэхээр болсон байна.

Ингэснээр иргэд төмөр замаар зорчих эсвэл авто тээвэр гэсэн сонголтыг нэг дор эдлэх боломжтой болж байгаа аж. Жишээлбэл, зорчигч Улаанбаатар хотоос Сэлэнгийн боомт хүртэл төмөр замаар зорчоод цааш авто тээврээр явж болох аж

Түүнчлэн зорчигчид олон нийтийн хөл хөдөлгөөн ихтэй газраас ТҮЦ машинаар дамжуулж онлайнаар тасалбараа захиалах боломжтой болж байгаа билээ. Мөн нэг тасалбартай болсноор Улаанбаатараас Улаан-Үүд явах тасалбарын үнэ ч тодорхой хувиар буурах аж.

Дашрамд дурдахад, эхний удаад Улан-Үдэ чиглэлд туршилтыг хийж байгаа аж. Цаашид урд хил чиглэлд мөн хөдөлгөөн үйлдэх боломжтой бөгөөд ганцхан газраар биш агаараар мөн холимог тээврийн үйлчилгээ үзүүлэхээр судлаж байгаа юм байна.

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр