Төмөр замаар тээвэрлэж буй 2899 тонн сайжруулсан шахмал түлшний түүхий эд /мидлинг/ өнөөдөр /2022.09.13/ Улаанбаатар хотод ирнэ гэж “Монголын төмөр зам” ТӨХК-аас мэдээллээ.“Монголын төмөр зам” ТӨХК нийгмийн хариуцлагын хүрээнд Улаанбаатар хотыг утаагүй түлшний түүхий эдээр хангах тээвэрлэлтийн ажлыг эхлүүллээ.Тавантолгой ордоос ачигдсан 2899 тонн сайжруулсан шахмал түлшний түүхий эдийг ““Монголын төмөр зам” ТӨХК өөрийн эзэмшлийн CКD4B зүтгүүр болон ачааны 50 вагоноор “Тавантолгой-Зүүнбаян” чиглэлийн 416,1 км төмөр замаар тээвэрлэж “УБТЗ” ХНН-ийн Зүүнбаян өртөөнд өчигдөр буюу 2022 оны есдүгээр сарын 12-ны өдөр 16.25 цагт хүрлээ.Тээвэрлэлт үргэлжилж, өнөөдөр Улаанбаатар хотод орж ирнэ. Мөн “Монголын төмөр зам” ТӨХК нь нийслэл хотын өвөлжилтийн бэлтгэл хангах ажлын хүрээнд энэ оныг дуустал сайжруулсан шахмал түлшний түүхий эдийг тээвэрлэх бэлтгэл ханган ажиллаж байна.
ЭХ СУРВАЛЖ: МОНГОЛЫН ТӨМӨР ЗАМ
МЭДЭЭЛЭЛ БЭЛТГЭСЭН СЭТГҮҮЛЧ:Ч.ЭНХМАА
