Өнөөдрийн мэдээ

Өмнөх мэдээ

Нисэхийн салбарын сургалтын үйл ажиллагаанд шинэ хөгжлийг эхлүүллээ

 

  Иргэний нисэхийн ерөнхий газрын Сургалтын төв олон улсын иргэний нисэхийн мэргэжлийн сургалтуудыг эх орондоо зохион байгуулах, нутагшуулах зорилтыг энэ онд дэвшүүлэн ажилласан. Дээрх зорилгынхоо хүрээнд Нисэхийн мэдээллийн үйлчилгээний албатай хамтран нисэхийн мэдээллийн менежментийн мэргэжилтэн бэлтгэх “Aeronautical information management specialist-021/122/AIS AIM SPC” стандартчилагдсан сургалтын багц хөтөлбөрийг боловсруулж Олон улсын иргэний нисэхийн байгууллага/ICAO/-аар албан ёсоор баталгаажууллаа. Ингэснээр Монгол Улсын Иргэний нисэхийн салбар анхны олон улсын сургалтын багц хөтөлбөртэй болж байна.

 

Нисэхийн сургалтын төв 2012 онд Олон улсын иргэний нисэхийн байгууллага/ICAO/-ын “Trainair Plus” хөтөлбөрийн Дэмжигч гишүүн байгууллага болсон. Өнгөрсөн хугацаанд аудит шалгалтад 2 удаа амжилттай хамрагдаж, олон улсын хамтарсан сургалтыг 3 удаа зохион байгуулжээ. Иймд ICAO-аас энэ сарын 16-ны өдөр Нисэхийн сургалтын төвийг ICAO-ийн стандарт, шаардлагыг бүрэн хангасан гэдгийг баталгаажуулан “Trainair plus” хөтөлбөрийн ЖИНХЭНЭ гишүүн байгууллага болголоо.

 

Удаан хугацааны нөр их ажлыг амжилттай гүйцэтгэж, Монгол Улсын иргэний нисэхийн салбарын сургалтын үйл ажиллагаанд шинэ хөгжлийг эхлүүлэхэд НСТ-ийн ICAO-ийн “Trainair Plus” хариуцсан менежер Б.Золбоо, ахлах мэргэжилтэн Д.Анарзул, мэргэжилтэн С.Энхчимэг, Р.Отгонбаяр, Нисэхийн мэдээллийн үйлчилгээний албаны дарга П.Ариунгэрэл, Дэд дарга Д.Үлэмж, хэсгийн дарга Д.Эрдэнэбаатар, мэргэжилтэн Б.Нямбаяр тэргүүтэй Нисэхийн сургалтын төв, НМҮА-ны нийт хамт олон өөрсдийн мэдлэг, чадвар, хөдөлмөр, зүтгэлээ зарцуулжээ. 

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр