Өнөөдрийн мэдээ

Өмнөх мэдээ

Борц, төмстэй хуушуур хийх арга

Борц, төмстэй хуушуур

Хийх арга:

Борцоо нүдэж нунтаглаад буцлам халуун ус хийж дэвтээнэ. Төмсийг давстай усанд чанаад нухна. Луувангаа үрж, сүүлээ нимгэн маш нарийхан татаж хийж өгснөөр борц, төмс, ногоондоо уусах юм. Төмсөө нухахдаа сvv масло хийх шаардлагагvй. Борцоо шүүж аваад бүгдийг нь холиод давс, перец, халиар, нунтаг сармисааөөрсдийн амтаар тааруулж амтална. Гуриландаа нэг ширхэг өндөг хийгээд бүлээн усаар зуурч хэсэг амраагаад хуушуураа чимхэнэ.

Эхлээд тосоо сайтар халаагаад галаа дундаж болгоод хоёр талаар нь шаргалттал шарна. 

Гүзээтэй шөл хийх арга

Гүзээ нь инсулин, коллаген ихээр агуулдаг болохоор ази эмэгтэйчүүд эрт дээр үеэс энэ бүтээгдэхүүнийг эрүүл мэнд, гоо сайхнаа хадгалах нэгэн жор гэж үзсээр иржээ. Харин монголчууд гүзээтэй шөлөөр настан буурлуудаа дайлж, хаврын цагт тамир тэнхээг нь сэлбэдэг билээ.

Бэлтгэх арга:

Угааж цэвэрлэсэн гүзээг томхон саванд хийн гурван хуруу илүү гарахаар усанд тал лимоны шүүс, хэрчиж бэлтгэсэн дөрвөнхумс сармисны хамтаар зөөлөртөл нь чанана. Чанаж бэлтгэсэн гүзээгээ шүүж аваад ёотонгийн дайтай хэрчиж бэлтгэнэ. Гүзээг чанасан усаа шүүж өөр саванд хийж буцалгана. Хоёр амны халбага гурилаа, тал лимоны шүүс, хоёр ширхэг өндөгний шараа холиод 200 орчим мл ус нэмэн хутгана. Өндөг гурилын бэлдмэлээ буцалж буй усандаа бага багаар нэмж зогсолтгүй хутгана. Хэрчиж бэлтгэсэн гүзээгээ шөлөндөө нэмээд давс, хэрчиж бэлтгэсэн сармисаа нэмж амтлаад дахин таван нут буцалгаад таваглана. Хайлуулсан маслотой хольсон улаан перцээр чимэглэж болно.

Өөрт хэрэгтэй жүүсээ бэлтгээрэй

Ямар жимс, ногоог хольж тээрэмдвэл (миксердвэл) амттай, эрүүл мэндийг тэтгэх ундаа болдгийг зөвлөе.

Лууван, цагаан гаа, алимыг хольж тээрэмдвэл хүний дархлааг сайжруулдаг ундаа болно. Алим, өргөст хэмх, селари. Энэ нэгдэл нь хавдраас урьдчилан сэргийлэхэд тустай. Мөн цусны сахарын хэмжээг бууруулж, ходоод, толгойн өвчнийг дарна.

Улаан лооль, лууван, алим. Энэ гурвын нэгдэл нь арьсны өнгийг сэргээж, амны эвгүй үнэрийг арилгадаг. Чили перц, алим, сүү. Эдгээрийг холибол амны эвгүй үнэрийг дарж, халуун буулгахад сайн юм байна. Нимбэг, цагаан гаа, өргөст хэмх. Арьсны өнгийг сэргээж, чийгшлийг нэмэгдүүлдэг бөгөөд халуун бууруулах шидтэй. Биеэс илүүдэл давсыг гадагшуулж, бөөр, давсгаа эрүүлжүүлье гэвэл ханборгоцой, алим, тарвас гурвыг нийлүүлээд тээрэмд. Алим, өргөст хэмх, кивины холимог ундаа нь арьсанд дээд зэргээр чийгшил өгнө. Биеийн дотоод дулааныг нэмэгдүүлж, биеийг хоргүйжүүлэн цусны даралтаа буулгая гэвэл лууван, алим, лийр, манго жимсийг хольж ундаа бэлтгээрэй. Лийр гадилын холимог нь цусан дахь сахарын хэмжээг зохицуулдаг юм байна. Усан үзэм, тарвас, сүүн ундаа нь В2 амин дэмээр баялаг болохоор эсийн идэвхийг нэмэгдүүлж, дархлааг сайжруулна. Гадил, хан боргоцой, сүү. Энэ ундаа нь амин дэмийн тэжээлийн бодисоор баялаг учир өтгөн хатахаас сэргийлнэ.

 

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Зочин
2017-01-06 16:37:12

ХЭРЭГТЭЙ ЖОР ЗААЖ ӨГСӨНД БАЯРЛАА

Ажлын байр