Архангай аймгийн Булган сумын Тамир багийн малчны сарлаг үнээнээс найман хөлтэй, хоёр толгой, хоёр бөгстэй тугал гарчээ. Малын эмч нар үнээнд хагалгаа хийж, тугалыг гаргаж авсан байна. Улмаар төрөлхийн гажигтай энэхүү тугал гараад удалгүй үхсэн аж.

Чухам яагаад гажигтай гарсан нь одоогоор тодорхойгүй байгаа юм. Гэхдээ малын эмч нар "Энэ төрлийн гажиг нь төрөл ойртох эсвэл ураг бүрэлдэх үеийн эсийн хуваагдлын явцад хуваагдаж чадаагүй ургууд ингэж гарах нь их байдаг" гэж тайлбарлалаа.

Дээрх хагалгааг аймгийн ХХААГ-ын Мал эмнэлгийн албаны дарга, малын их эмч С.Ганбат, малын их эмч Н.Мөнхгэрэл, Б.Түвшинжаргал, С.Дэлгэрбаяр, лаборант Ч.Бадамханд нар хийжээ. Энэ хавар мал эмнэлгийн албаныхан зургаан удаагийн кесарево хагалгаа хийсэн бөгөөд өмнөх таван хагалгаагаар эрүүл тугал гаргаж авсан байна.