Өнөөдрийн мэдээ

Өмнөх мэдээ

Аппликейшн бүтээгч Монгол залуусыг "Форбес" онцолжээ

Одоогоос хоёр жилийн өмнө Ч.Анар хэмээх залуу найзуудаасаа мөнгө зээлэхээс залхаж мөнгө зээлдэг үйлчилгээг аппликейшн болгохоор шийджээ. Түүний санаачилсан “LendMN” аппликейшн өнөөдөр Хойд Азид мобайл суурьтай, бага хэмжээний мөнгө зээлэх үйлчилгээг нэвтрүүлсэн байна.

Үүсгэн байгуулагч 35 настай Ч.Анарыг Форбес сайт онцолсон бөгөөд тэдний талаар ийнхүү бичжээ. "2016 оны дөрөвдүгээр сард нэг сая ам долларын анхны санхүүжилт босгож чадсан тэд өнгөрсөн наймдугаар сард Монгол болон Японы хөрөнгө оруулагчдаас дөрвөн сая ам доллар босгосноор компанийнх нь зах зээлийн үнэлгээ 30.8 сая ам доллар болжээ. 

Виртуал ертөнцөөр дамжуулан хүмүүсийн хооронд холбоо үүсгэж мөнгө зээлдүүлэх цоо шинэ үйлчилгээг нэвтрүүлсэн бөгөөд Монголын зах зээлд зээлийн үйлчилгээ явуулах шинэ, хүртээмжтэй байдлаар аппликейшн бүтээжээ. Үүсгэн байгуулагч Ч.Анар хэлэхдээ “Бид энэхүү апп-г бүтээж эхэлсэн үеэс Монголын арилжааны банкууд холбоо тогтоосон” гэв. Түүнчлэн Монголын дундаж цалин 390 доллар байдаг ба гэр бүл, найз нөхдөөсөө мөнгө зээлэх тохиолдол их байдаг. Хувийн журмаар зээлсэн мөнгө эргэн олгогдохдоо ховор тохиолдлууд цөөнгүй. Тус компанийн хөрөнгө оруулагчаар Японы парламентын гишүүн асан Таками Юүичи түүний эхнэр багтах бөгөөд ирэх 12-р сард Blockchain хэмээх шинэ төслөө Япон, Филипины зах зээлд гаргахаар төлөвлөж байна" гэжээ.

 

Нийтэлсэн огноо: 2017-10-12 14:09:55

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр