Өнөөдрийн мэдээ

Өмнөх мэдээ

Б.Хурцын асуудлаар нээллтэй сонсгол явуулах нь зүйтэй гэж үзлээ

 


Тагнуулын ерөнхий газрын дарга асан Б.Хурцыг БНСУ-ын элчин сайдаар томилгоотой холбогдуулан нийтийн сонсгол явуулах хүсэлтийг УИХ-ын гишүүн Ж.Батзандан гаргаж, 21 гишүүн дэмжээд байгаа юм.  Үүнтэй холбогдуулан  Аюулгүй байдал гадаад бодлогын байнгын хорооноос ажлын хэсэг байгуулагдаж өнгөрсөн даваа гаригт хуралдахаар байсан ч хойшилсон.

 

Тэгвэл Ажлын хэсэг өчигдөр хуралдаж ТЕГ-ын дарга асан Б.Хурцын талаар нийтийн сонсгол зохион байгуулах нь зүйтэй гэж үзлээ. Ажлын хэсэгт Т.Аюурсайхан, Б.Энх-Амгалан, Л.Болд, Ж.Батзандан, О.Баасанхүү, Н.Номтойбаяр, О.Содбилэг нар багтсан юм.  Ажлын хэсгийн хуралдааны үеэр  УИХ-ын Тамгын газрын төлөөлөл хууль эрх зүйн талаас нь Үндсэн хуулийн 33 дугаар зүйлд зааснаар Ерөнхийлөгч Элчин сайдын томилгоог хийнэ гэж заасан байдаг. Уг заалтыг үндэслэж нийтийн сонсгол явуулах эрх нь зөвхөн Ерөнхийлөгчид хамаарна гэсэн тайлбарийг хийсэн ч гишүүд хүлээж аваагүй гэх мэдээлэл байна.  Нийтийн сонсголыг Аюулгүй байдал, гадаад бодлогын байнгын хороогоор хэлэлцүүлнэ.

 
Нийтэлсэн огноо: 2017-12-06 10:04:42

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр