Өнөөдрийн мэдээ

Өмнөх мэдээ

Зураач Б.Баярцэнгэл бие даасан гурав дахь үзэсгэлэнгээ “Самади” нэртэйгээр дэлгэлээ


Зураач Б.Баярцэнгэлийн гурав дахь бие даасан үзэсгэлэн “Самади” нэртэйгээр олны хүртээл болж байна. Үзэсгэлэн энэ сарын 16-нд “Занабазарын нэрэмжит Дүрслэх Урлагийн музейд” нээлтээ хийсэн бөгөөд энэ сарын 22-ныг хүртэл гарах юм.

“Дагжиж бээрсэн хүн л хүйтний тухай жихүүцэн даартал ярьж чадах байх... Яг түүн шиг юмсыг сэрэл мэдрэмжээрээ тэмтрэн таних нь шинэ сэдэл санаа, шинэ туршилт, шинэ боломж гэх мэт шинэ бүхэнд хүргэж өгдөг. Хил хязгааргүй эрх чөлөөт нөхцлийг урлаг бидэнд өгдөг” хэмээн зураач Б.Баярцэнгэл үзэсгэлэнгийнхээ тухай онцолжээ.



Түүний бүтээлүүдэд бурхны дүр голчилдог бөгөөд шинэ залуу зураачдын сэтгэхүйн онцлог, уран бүтээлчийн зурагт туссан орчин цагийн нийгмийн нөлөөлөлт хүчин зүйлсийн тухай олон гаргалгааг үзэгчид өөртөө бий болгож болно. Угаас “Урлагт “эрх чөлөө” хамгийн чухал” гэх ойлголт нэн шинэ үеийн давалгаанд хамаарагддаг. Тэр ч бас нэн шинэ үеийн давалгаанд хамаарагдах зураач билээ.

Зураач Б.Баярцэнгэлийн “Самади” үзэсгэлэн “Занабазарын нэрэмжит Дүрслэх Урлагийн музейд” энэ сарын 22-ныг хүртэл үргэлжилнэ. 





Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр