Өнөөдрийн мэдээ

Өмнөх мэдээ

Олон улсын стандартын шаардлага хангасан веб контент дэлхийн зах зээлд экспортлогдоно


Монголын програм хангамж үйлдвэрлэгчдийн холбоо /MOSA/ болон "Экспортыг дэмжих төсөл" хамтран "Веб контент экспортын сургалт" - ийг зохион байгуулахаар болсон байна.

Тус сургалтанд эхний ээлжинд "MOSA"-ийн гишүүн байгууллагын 5 компанийн нийт 10 инженер хамрагдаж байгаа ба сургалт Мэдээлэл технологийн үндэсний паркад 15 хоногийн турш үргэлжлэх юм байна.

Сургалтыг "Веб эйженси" ХХК-ийн мэргэжилтнүүд удирдан явуулах ба тус компани нь одоогоор дэлхийн зах зээлд 500 мянган ам.долларын вэб бүтээгдэхүүний борлуулалт хийгээд байгаа туршлагатай хамт олон юм.

Сургалтаар Дэлхийн хэмжээний "Envato" онлайн дэлгүүрийн платформыг ашиглан дэлхийн зах зээлд бүтээгдэхүүн экспортлох мөн олон улсын стандартын шаардлага хангасан өрсөлдөх чадвар бүхий програм хангамжийн бүтээгдэхүүн үйлчилгээг хэрхэн бий болгох талаар ахисан түвшний мэдлэг олгож байгаагаараа онцлогтой аж.

Арга хэмжээг нээж "MOSA"-ийн ерөнхийлөгч Ц.Чулуунзагд залууст хандан үг хэллээ. Тэрээр: Монгол залуучууд програм хангамжийг зохиож чадаж байна. Гэхдээ стандартад нь нийцүүлж хийх нь маш чухал. Тэр стандартыг хангаж байж дэлхийн зах зээлд өрсөлдөх юм.Энэ сургалтын онцлог нь ерөөсөө стандартыг л бий болгох юм. Энэ сургалтыг зохион байгуулснаараа Монгол залуус дэхийн тавцанд өрсөлдөж мэдээлэл технологийн салбарт экспортын шинэ үеийг авч ирэх эхлэл болох учиртай хэмээн онцолж байсан юм. Монгол Улсын Засгийн газар, Дэлхийн банктай хамтран хэрэгжүүлж байгаа Экспортыг дэмжих төсөл нь уул уурхайн бус салбарын жижиг, дунд үйлдвэр эрхлэгчдийн экспортын чадавхыг бэхжүүлэх, экспортын зах зээлд нэвтрэх боломжийг өргөжүүлэх зорилготой.

Тодорхой шалгуур хангасан жижиг, дунд аж ахуйн нэгжүүдийн Экспортын хөгжлийн төлөвлөгөөг хэрэгжүүлэхэд зөвшөөрөгдсөн зардлын 50 хувийг нөхөн олгож санхүүгийн дэмжлэг үзүүлж байна. Өнөөгийн байдлаар төсөлд 150 гаруй жижиг, дунд аж ахуйн нэгж хүсэлтээ ирүүлснээс 46 аж ахуйн нэгжийн Экспортын хөгжлийн төлөвлөгөөг бие даасан Үнэлгээний зөвлөлөөр хэлэлцээд 187 000 ам.долларын санхүүгийн дэмжлэг олгоод байна.a

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр