Өнөөдрийн мэдээ

Өмнөх мэдээ

ШУУРХАЙ: Эрэн сурвалжилж байсан С.Пүрэвсүрэнг баривчилжээ

2017 оны наймдугаар сарын 22-нд Монгол улсын Ерөнхийлөгчийн орон тооны бус зөвлөхүүдийг томилсон. Тэдний нэг нь Хүмүүнлэгийн асуудал хариуцсан зөвлөх Самбуудоржийн Пүрэвсүрэн юм.

 

Гэвч энэ эмэгтэй "Нэг өрх-нэг ажлын байр" хөтөлбөр гэгчийг явуулж, БНСУ руу ажилд зуучилна хэмээн одоогийн байдлаар 143 иргэнээс нийт 450 орчим сая төгрөгийг залилан авсан гэмт хэрэг үйлдэн, орон даяар эрэн сурвалжлагдаад байсан юм. Тэрээр хүн тус бүрээс 1200 ам.доллар хураан авсан байдаг. 

Эрэн сурвалжилж байсан С.Пүрэвсүрэнг энэ сарын 29-30-нд шилжин шөнө Баянзүрх дүүргийн нутаг дэвсгэрээс баривчилжээ. Одоогоор Баянзүрх дүүргийн цагдаагийн хэлтэс дээр түүнийг саатуулан шалгаж байгаа аж. Тус хэлтсээс энэ талаар тодруулахад "Шалгагдаж байгаа хэрэг учир Прокурорын зөвшөөрөлгүй мэдээлэл өгөх боломжгүй" гэсэн хариу өгсөн юм.

Сүүлд авсан мэдээллээр түүнийг энэ оны есдүгээр сард Ерөнхийлөгчийн орон тооны бус зөвлөхийн ажлаас чөлөөлсөн гэсэн мэдээлэл байна. 

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

х
2018-12-03 10:40:56

Нөгөө төрийн ордонд сээкс, архи, тамхи сурталчилдаг шаамбий Эрдэнэчимэг бас Ерөнхийлөгчийн зөвлөх юм байна шдээ хөөрхий кккк.

Ажлын байр