Өнөөдрийн мэдээ

Өмнөх мэдээ

Н.Учрал шиг "ЖДҮ-чин"-г сайд болговол Ерөнхий сайдад өгсөн иргэдийн итгэл буурна

Монгол Улсын Засгийн газрын тухай хуулийн 23 дугаар зүйлийн 1 дэх хэсгийн 1-д заасныг үндэслэн  Цэдэнбалын Цогзолмааг Монгол Улсын Засгийн газрын гишүүн-Боловсрол, соёл, шинжлэх ухаан, спортын сайдын үүрэгт ажлаас огцруулах тухай Монгол Улсын Ерөнхий сайд У.Хүрэлсүхийн саналыг УИХ-ын гишүүн, Засгийн газрын гишүүн-Монгол Улсын сайд, Засгийн газрын Хэрэг эрхлэх газрын дарга Г.Занданшатар Монгол Улсын Их Хурлын дарга М.Энхболдод өчигдөр өргөн барилаа.

Учир нь Ц.Цогзолмаа Монгол Улсын Ерөнхий Сайд У.Хүрэлсүхийг огцруулах бичигт гарын үсэг зурж, мөн УИХ-ын чуулганы нэгдсэн хуралдаанаар уг асуудлыг хэлэлцэх үед ч эсрэг санал өгсөн юм. Энэ нь Монгол Улсын Засгийн Газрын тухай хуулийг зөрчиж буй аж.

 

Үүнтэй зэрэгцэн Боловсрол, соёл, шинжлэх ухаан, спортын сайдаар хэнийг томилох вэ? гэдэг асуудал МАН-ын удирдлагын түвшинд яригдаж эхэлжээ.

Одоогийн байдлаар УИХ-ын гишүүн Г.Мөнхцэцэг, Н.Учрал нар хамгийн хүчтэй яригдаж буй гэнэ.

 

Гэвч УИХ-ын гишүүн Г.Мөнхцэцэгийн хувьд төрийн албаны болон улс төрийн туршлага маш бага бол Н.Учралын хувьд ашиг сонирхлын зөрчилтэй буюу хувийн "Их засаг" нэртэй дээд сургуулийн эзэн билээ.

Мөн Ерөнхий Сайд У.Хүрэлсүх шударга ёс, сахилга хариуцлагыг дээдэлж, зарчимтай ажиллана байх гэсэн хүлээлт иргэдийн дунд их байгаа тул ЖДҮ-ийг Хөгжүүлэх сангаас зээл авсан улс төрчийг дэмжихгүй л болов уу? 

Мөн саяхан уг зээлд холбогдсон Я.Содбаатар хүсэлтээрээ ажлаа өгөх шийдвэр гаргаад буй энэ цаг үедН.Учрал шиг "ЖДҮ-чин"-г сайд болговол Ерөнхий сайдад өгсөн иргэдийн итгэл буурах нь гарцаагүй юм.
 

shuurkhai.mn

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр