Өнөөдрийн мэдээ

Өмнөх мэдээ

12 сар хүртэлх хугацаатай тэтгэврийн зээлийн хүүг 10 хувь болгон буурууллаа

Засгийн газрын 2016-2020 оны үйл ажиллагааны хөтөлбөрт тусгасан тэтгэврийн зээлийн хүүг үе шаттайгаар бууруулах зорилтыг хэрэгжүүлэх үүднээс Хөдөлмөр, нийгмийн хамгааллын яам, Нийгмийн даатгалын ерөнхий газар арилжааны банкуудтай хамтран ажиллаж тэтгэвэр барьцаалсан зээлийн хүүг 10 хувь болгон буурууллаа.

     Ахмадуудын тэтгэврийн зээлийн дарамтыг бууруулах хүрээнд арилжааны банкуудтай хамтран ажиллаж, 2017 онд  жилийн 18 хувийн хүүтэй байсан тэтгэвэр барьцаалсан зээлийн хүүг 15,  2018 онд 12 хувь болгон бууруулсан бол энэ оны нэгдүгээр сарын 16-наас Төрийн болон ХААН банктай хамтран тэтгэврийн зээлийн хүүг 10 хувь болгон буурууллаа.

     Тодруулбал, дээрх хоёр банкнаас тэтгэвэр авдаг ахмадууд тэтгэврээ барьцаалсан зээлийг 12 сар хүртэлх хугацаагаар сарын 0.83, жилийн 10 хувиар тооцон авах боломжтой болж байна. Мөн зээл авсан нөхцөлд тэтгэврээ 100 хувь зээл болон хүүгийн төлбөрт өгдөг байсныг өнгөрсөн жилээс өөрчилж, тэтгэврийн 30 хувь ахмадуудын гар дээр үлдэж байх зохицуулалтыг хийсэн нь ахмад настны амжиргааны баталгааг хангах зорилготой юм. 

     Тэтгэвэр авагчдыг  зээлийн хүүгийн дарамтаас хөнгөлөн, тэтгэврийн зээлийг бага хүүтэйгээр авах боломжийг бүрдүүлэх энэ арга хэмжээг 2018 онд тэтгэвэр олгодог арилжааны бүх банктай гэрээ байгуулж зээлийн хүүг 3-6 пунктээр бууруулан, сарын 1.0, жилийн 12 хувь болгосноор нийт 43 290 тэтгэвэр авагч 42.1 тэрбум төгрөгийн тэтгэврийн зээлийг хөнгөлөлттэй нөхцөлөөр авч 1.6 тэрбум төгрөгийн зээлийн хүүгийн дарамтаас чөлөөлөгдсөн бол энэ онд тэтгэвэр авагчид 4,0 орчим тэрбум төгрөгийн хүүгийн дарамтаас чөлөөлөгдөх урьдчилсан тооцоо гараад байна.

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

ЁЁЁ
2019-01-24 14:55:34

бИТГИЙ ШОУД БУЗАРУУД МИНЬ. 80-90 % НЬ 26 САРЫН ЗЭЭЛТЭЙ. нААД ХӨНГӨЛӨЛТИЙГ ЧИНЬ ЭДЭЛДЭГ ХҮН 1% ОРЧИМ. тА НАР МЭДЭЭЛЛИЙГ ХААЖ РЕКЛАМДАЖ БАЙНА.

ЁЁЁ
2019-01-24 14:55:34

бИТГИЙ ШОУД БУЗАРУУД МИНЬ. 80-90 % НЬ 26 САРЫН ЗЭЭЛТЭЙ. нААД ХӨНГӨЛӨЛТИЙГ ЧИНЬ ЭДЭЛДЭГ ХҮН 1% ОРЧИМ. тА НАР МЭДЭЭЛЛИЙГ ХААЖ РЕКЛАМДАЖ БАЙНА.

Ажлын байр