Өнөөдрийн мэдээ

Өмнөх мэдээ

4 сард ихэрийн ордныхон бизнесийн гэрээ байгуулах, хамтын ажиллагааны зөвшилцөлд хүрэх зэрэгт таатай

Хонь
Энэ сарын эхэн үед таны амьдралд урьд нь хэний ч нөхөж байгаагүй орон зайг орлох хүн орж ирэх бололтой. Бэртэж гэмтэхээс болгоомжлоорой. Та болгоомж илүүдэхгүй тул эрүүл мэндээ анхаар. Од эрхсийн нөлөөгөөр таны эрүүл мэнд муудвал бие махбод тэнхрэх нь удаашрах төлөвтэй. Ойр дотнын хүмүүсээ аз жаргалтай байлгахыг хичээ. Та өөрийн сул талаа өөрчлөх төлөвлөгөө байгаа бол яг одооноос хэрэгжүүл. Ажил хэрэгч хандлага нь бизнес эрхлэгч хониныхонд зорилгоо зөв тодорхойлох боломж өгнө. Мөн та эрсдэлтэй үйл ажиллагаанд айж эмээлгүй зоригтой оролц. Энэ нь үр дүнгээ өгөх болно. Сарын дундуур гэмтэл бэртэл авах магадлалтай тул аюулгүй байдалдаа анхаар. Од эрхэс өөрийн сэтгэл санаагаа ердийн байдалд байлгахад сайн хяналт тавих хэрэгтэйг анхааруулж байна. Хайрын хэлхээ холбоог гаднын нөлөө бат бэх эсэхийг нь шалгах бололтой. Худалдаа наймаанд алдагдал хүлээж мэднэ. Од эрхсийн нөлөөгөөр элдэв зөрчлийн үр дагавар нь таны талд харамсалтай гарах болно. Сарын сүүлээр ч од гарагийн нөлөө таагүй байх тул хэд хэдэн саад бэрхшээлтэй тулгарах магадлалтай. Өөртөө итгэх итгэлээ бага боловч нэмэгдүүлэх нь үүсээд буй нөхцөл байдалд сэтгэл санааг тань сэргээх болно. Өөрийнхөө буруу, муу зуршлаа хянаарай. Од эрхэс эрүүл мэндээ зөв аргаар хамгаалж сурах нь чухал байгааг анхааруулж байна.

Үхэр
Долоо хоногийн эхээр шинэ танилтай болох болон хуучин харилцаагаа сэргээх тохиолдол аль аль нь танд тохиолдох байх. Та амьдралын хэмнэлээ өөрийн эрч хүчтэйгээ зөв тааруулвал ямар ч ажлыг амжуулж чадах боломж байна. Та дур булаам төрхтэй байх тул олны анхааралд өртөж, эрч хүч өндөр байна. Хэрвээ та ганц бие бол хайр дурлалын шинэ адал явдалд бэлэн байгаарай. Харин гэр бүлтэй үхрийнхэн бусдын сонирхлыг эрхгүй татсан ч харилцаандаа үнэнч байх нь өлзийтэй. Зүүд зөнтэй байна. Долоо хоногийн сүүлээр ямар нэг ажлын саналд болгоомжтой хандаарай. Сайхан амлалтын ард худал нуугдаж байж магад. Эрч хүчээ зөв зарцуулах энгийн арга бол олон зүйлийг зэрэг оролдохгүй байх юм. Өөрчлөлт болон сайхан мэдрэмжийг хүсч байвал гадна имижээ шинэ хэв маягтай болго. Гэр бүлээ амгалан тайван байлгах тал дээр анхаар. Үр хүүхдүүдэд тулгамдсан асуудлыг жижиг гэж тоохгүй байх нь тэднийг гомдооно.

Ихэр
Энэ сарын эхээр бизнесийн гэрээ байгуулах, хамтын ажиллагааны зөвшилцөлд хүрэх зэрэгт таатай. Гэхдээ эрсдэлтэй наймаа хийх хэрэггүй. Хууч өвчин сэдэрч, хүндрэх магадлалтай. Хайр дурлалд романтик адал явдалд тохиолдох магад. Цаашид таны танилын холбоо сүлбээ идэвхтэй шинжтэй байх бөгөөд албан тушаал ахих, санхүүгийн амжилтад хүрэх суурийг тавьж өгнө. Уран бүтээлийн мэргэжилтэй хүмүүс олон нийтийн ажилд идэвхтэй оролцож, ажлын хажуугаар нийгэмд тустай үйл ажиллагаа явуулах нь таны ирээдүйд сайнаар нөлөөлөх болно. Сарын дунд үед таны зөн билэг цаашдын зорилгоо тодорхойлоход тусална. Ухаалаг мэдрэмж болон байгалийн зөн гайхалтай хосолбол та амжилтад хялбар хүрнэ. Хайрын харьцаагаа сэргээхэд таатай. Бие тавгүйрхэх магадлал өндөр байгаа тул эрүүл мэнддээ анхаар. Од эрхсийн тохиол таны өмнөх таагүй байдлыг ор мөргүй арилгана. Гэрээ хэлэлцээрт ахиц дэвшил гарч ажил хэрэг амжилттай урагшлах болно. Сарын сүүл үед гэр бүлийн харилцаандаа уян хатан, ухаалаг байвал халуун дулаан уур амьсгал бүрдэнэ. Үл ойлголцолтой байсан дотнын хүнтэйгээ ойлголцож магадгүй. Ажил хэрэгт амжилт гаргах нөхцөл бүрдэнэ. Дарга удирдлагадаа сайшаагдах магадлалтай. Ихэнх хүмүүс хувийн харилцаанаас авсан таашаалаар ихээхэн урам зоригтойгоор ажиллах болно. Та олон нийтийн үйл ажиллагаанд оролцвол нөлөө бүхий хамтрагчаа олж авч магадгүй. Таныг од эрхэс ивээлдээ авсан гэдэгт итгэ.

Мэлхий
Энэ сарын эхэнд санхүүгийн байдал тогтворгүй байна. Алдагдалд орох магадлалтай арилжаа наймаанаас зайлсхий. Өөрт тохирсон амьдралын хэв маягийг од эрхэс таны зөн совинд хэлж өгөх болно. Залуу хосуудын харьцаа эв найртай байна. Муудаж тасарсан харьцаа эргэн сэргээх магадлалтай. Гэнэтийн таагүй байдалд оруулах мэдээ хүлээн авах бололтой. Болгоомжгүй үг хэллэг, хэрүүл маргаанаас татгалз. Таагүй хүмүүсийн муу хандлагыг бүү тоо. Хэт ачаалалтай ажиллах шаардлага тулгарна. Сарын дунд үед эрүүл мэндээ сайн бодохгүй бол бие тавгүйтэх магадлалтай байна. Хууль эрх зүйн асуудалд болгоомжтой ханд. Ажил хэргийн харилцаанд хөндлөнгийн нөлөө төвөг удах бололтой. Гэр бүлийн ба хайр дурлалын харьцаанд тааламжтай. Биедээ хэт их ачаалал өгөх биеийн тамираар хичээллэх хэрэггүй. Эрүүл мэндээ зөв тэтгэж дархлаагаа сайжруул. Сарын сүүл рүү аливаа үйл явдал буруугаар эргэх магад тул зөв замаа олж авахад хүндрэлтэй байх болно. Таны хувийн амьдралд сонирхолтой үйл явдал тохиолдоно. Хайрын холбоо, найз нөхөрлөл зэрэг нь танд баяр баясгалан, өөртөө итгэх итгэлийг авчирна. Хорт зуршлаасаа татгалзаж биеэ цэвэршүүл. Ажил албандаа түүртэж, мөнгө санхүү гээд олон зүйлд сэтгэл зовсон ч хайртай хүмүүс, үр хүүхдүүдээ инээж баясаж байгаагаа харуулах нь зүйтэй.

Арслан
Энэ сарын эхээр хувийн амьдрал болон албан хэрэгт өөрчлөлт гарна. Ихэнх хүмүүс цаашид шинэчлэлтээс цочрол авах тул сэтгэл зүйн хувьд бэлтгэлтэй байх хэрэгтэй. Од эрхэс тааламжгүй газраас холуур байх хэрэгтэйг сануулж байна. Энэ үед гэр бүлээ батлуулах зэрэгт сайн. Харин гэр бүлтэй хүмүүс хүүхдүүдээсээ болж сэтгэлийг зовоосон асуудалтай тулгарч магад. Мөн мэргэжлийн үйл ажиллагаанд анхаарал болгоомжтой ханд. Сарын дунд үед ажлаа өөрчлөх гэж байгаа бол түр хойшлуул. Гараг эрхсийн хөдөлгөөн сөрөг хандлагатай болж магад тул та өөрийн сонголтуудаа сайтар эргэцүүлж бодвол зохино. Төлөвлөсөн ажлаа амжаагүйгээс удирдлага хамт олонтойгоо зөрчилдөх магадлал өндөр. Гай зовлон руу өөрөө гүйж очихгүйн тулд сэрэмжтэй бай. Зоримог шийдвэр маш сайн үр дүн авч ирнэ. Гэр бүлд найрсаг харилцаа тогтож, ирээдүй сайхнаар төсөөлөгдөх цаг үе. Танд шинэ албан тушаал санал болгож магадгүй байна. Бодолгүйгээр шууд зөвшөөр. Энэ сарын сүүл рүү ажил саадгүй бүтэж, ертөнц дээрх бүхий л сайн сайхан танд зориулагдсан мэт сэтгэгдэл төрнө. Хайр сэтгэлийн алхмууд ухаалаг байвал ажилтанд хүрэх магадлал өндөр байгааг од эрхэс сануулж байна. Од эрхсийн байрлал бүтээлч үйл хэрэгт таатай байна. Хууль шүүхтэй холбооотой асуудал танд төвөг удаж магад. Гаднын хуурамч мэдээлэл ажил болон гэр бүлд асуудал тарьж болзошгүй. Од эрхэс эрүүл мэндтэй холбоотой асуудал гарч ирж болзошгүйг сануулж байна.

Охин
Энэ сарын эхээр сэтгэл хөдлөлөөр мөнгөө хайр найргүй үрэх асуудал гаргахгүй байхад анхаар. Аливааг хийхэд хүний амаар бус өөрийн туршлагад найдах нь ононо. Ашигтай наймаа хийснээр танд авахыг хүсч байсан зүйлээ худалдан авах боломж гарна. Ганц бие хүмүүст хүсэн хүлээсэн хайр дурлал ирнэ. Танд шинэ ажлын санал ирж болзошгүй. Орчноо өөрчлөх гэсэн хүсэл, ур чадвараа ахиулах мөрөөдөл нь танд муугаар нөлөөлөөд зогсохгүй эргэн тойрны хүмүүсийн дургүйг хүргэх тул бусдын саналыг сайн тусгаж ав. Сарын дунд үед бусадтай харилцан нөхөрлөх нь таны бусдад үнэлэгдэх байдлаас болж үнэ цэнэ нь тодорхойлогдоно. Хайр дурлал танд ойрхон байна. Ганц бие охиныхон хайртай хүнтэйгээ учирч чадна. Гэхдээ романтик харилцаа таны мөнгийг ихээр үрэх болно. Од гарагсийн нөлөөгөөр ойр дотнын хүмүүсийн хайр халамж их байна. Та сайхан ирээдүйдээ итгэх итгэл төрнө. Сарын сүүл үед тохиолдох таагүй учралаас болж гуниж гутарч мэднэ. Түр зуурын зарим саад бэрхшээлд сөхрөлгүй амьдралаа ердийн горимоор үргэлжлүүл. Амьдралын эрч хүч өндөр төвшинд байна. Буруу зуршлаа хянахгүй бол бодлогогүй өчүүхэн алхам л таныг буруу зам руу түлхэнэ. Худалдааны ажил нь танаас ихээхэн анхаарал, тооцоолол шаардана. Чухал бичиг баримтад гарын үсэг зурах нь ирээдүйд томоохон үр дүн авч ирнэ. Таны талд гарах шийдвэрүүд олон байх ч дотно харилцаанд үүсэн дарамт шахалт таныг гэгэлзүүлнэ. Түргэн зан гаргаж болохгүй. Ухаалаг шийдвэр гаргах чадвараа ашигла.

Жинлүүр
Энэ сарын эхээр зөн билэг далд чадвар хүчтэй илрэх болно. Та бизнест тааламжтай байдал үүсэх болно. Эрч хүчтэй болж ажилдаа урам зоригтой байна. Цаашдын амьдралын хувь заяаг сонгох салаа замын уулзвар дээр ирнэ. Гэр бүлийн уур амьсгал тийм ч таатай байхгүй бололтой. Муу хүмүүсийн урхи, занганд орохоос болгоомжил. Бизнесийн харилцаанд шинэ түнш болон нөлөө бүхий ивээн тэтгэгч гарч ирэхийг үгүйсгэхгүй. Энэ сарын дунд үеийг амьдралын эрч хүчээ зөв хуваарилахад зориул. Ачаалал ихтэй ажил нь ихээхэн цаг авах тул түр орхигдуулахад гэмгүй. Одоогийн ажил тань таалагдахгүй байгаа бол ажлаа солих талаар бодож эхэл. Шинэ танил таны амьдралд өөрчлөлт авчирна. Бизнесийн гэрээ хэлцэл дээр төдий л амжилт олохгүй. Харилцаа холбоо тасрах магадлалтай. Зөв зам сонгох гэж удаан будилах нь бүүр тэнцвэргүй байдал түлхэж орхино. Цаг алдалгүй оновчтой сонголт хийх нь чухал байна. Сарын сүүл рүү гадаадын түншээс ашигтай санал авна. Та бодлогогүй алхам хийх, шалтгаангүй уйтгарт автах зэргээс болж бие тань өвдөж болзошгүй. Од эрхэс эрүүл мэндээ сайн хамгаалж, гадны муу нөлөөг холдуулах зан үйлийг өөрийн дадсанаар авч хэрэгжүүлэхийг зөвлөж байна. Осол аваар гаргахаас болгоомжил. Юуны түрүүнд аюулгүй байдлаа сайн ханга.

Хилэнц
Сарын эхэнд од эрхэс болоод амьд байгалиас эрч хүч авах чухал. Хувийн харилцаанд гэр бүлийн асуудал сэтгэл гонсойлгож магад. Эрүүл мэндээ анхаар. Зарим нэмэлт бүтээгдэхүүнээс харшил авч болзошгүй. Өөртөө цаг гарган эрүүл мэнддээ анхаарч дасгал хөдөлгөөн хий. Албан тушаалд тааламжтай өөрчлөлт гарах төлөвтэй. Нэгэнт хэвшиж тогтсон дүрэм журам, дэг уламжлалыг өөрчлөх гэсэн тэмүүлэл хамт олонтой хагаралдуулж мэднэ. Сарын дунд үед оддын илгээсэн зөн совин танд үнэнч байх болно. Хайр сэтгэлийн амжилтгүй харилцаанаас болж шийдэмгий бус байж өөртөө итгэх итгэлээ алдана. Дурлалын холбоо ихээхэн болгоомжтой байдлыг шаардана. Архаг хууч өвчин хөдлөх магадлалтай. Эрүүл хооллолтыг эрхэмлэ. Та санаа бодлыг нь хүндлэх тутам ойр дотнын хүмүүсийн таныг хайрлах хайр хүндэтгэл нэмэгдэнэ. Харин дарга удирдлагын харилцаанд ширүүн тулгаралт харагдаж байна. Аюул осол тохиолдож магадгүй тул яаруу, түрэмгий үйлдлээс болгоомжил. Сарын сүүл үед өөрийн зөн совиндоо итгэ. Аливаа баримт бичигт гарын үсэг зурахаасаа өмнө таны эсрэг буруугаар ашиглагдах зүйл байгаа эсэхийг шалга. Хайр сэтгэлийн асуудалтай ажил хэргээ зохицуулах нь танаас багагүй цаг зав шаардах болно. Ажлын нөхцөл байдал эрсдэлтэй байдалд оруулж болзошгүй. Эрч хүч, хөрөнгө мөнгөө дэмий зүйлд үрэхгүй байхыг хичээ. Бусдын тааламжгүй харилцааг хараагүй мэт өнгөрүүл. Од гарагийн нөлөөнөөс болж осол аваар гарах магадлалтай тул болгоомж хэзээд илүүдэхгүйг санаж яв.

Нум
Сарын эхээр эрүүл мэнддээ анхаар. Биеийн эсэргүүцэл, дархлааны систем ерөнхийдөө сулрах хандлагатай байна. Ажлын нөхцөл байдлаа сайжруулахад анхаарал тавь. Гэнэт ирэх мэдээ нь танийг нилээд төвөгтэй байдалд оруулах хэдий ч та тайван байвал үүнээс цэвэрхэн мултарч чадна. Гэнэтийн зардал, хулгай зэргээс алдагдал хүлээж болзошгүй. Зарим хүмүүсийн удаан хугацааны хайр дурлал гэрлэлт болж хувирна. Ганц бие нумынхан хосоо олно. Сарын дунд үед таны ажиллах эрч хүч өсөн нэмэгдсээр байх болно. Ямар нэг баримт бичиг бүрдүүлэхдээ алдаа гаргаж магадгүй тул найдвартай хүн тань танд туслах нь зөв. Ойр дотнын хэн нэгний тусламж нь таны сэтгэл санааг сэргээгээд зогсохгүй цаашид итгэх итгэлийг тань нэмэгдүүлнэ. Хурц иртэй багаж хэрэгсэлтэй ажиллахдаа болгоомжтой бай. Гэмтэл авах эрсдэл өндөр байна. Эрүүл мэнд тийм ч таатай бус байвал яаралтай мэргэжлийн эмчид хандаарай. Буруу хүмүүстэй орооцолдож болчимгүй үйлдэл хийж болзошгүй байна. Хайр дурлалтай учирвал сэтгэлийн жолоогоо алдахаас болгоомжил. Сарын сүүл үед гаднын түрэмгий аюултай халдлагаас болгоомжил. Эрч хүчээр дүүрэн байх бөгөөд гэрээ хэлэлцээр хийхэд хамгийн тохиромжтой цаг үе. Таныг баярлуулах таатай мэдээг санамсаргүй байдлаас сонсох болно. Сайн ажиллахын хажуугаар биеийн эрүүл мэндээ хамгаалж дотоод эрхтнүүдээ цэвэршүүлэх зэргээр амьдралын зөв хэв маягийг мөрдөх хэрэгтэй. Ажил албандаа түүртэж, санхүү мөнгөний асуудал сэтгэлийг зовоож байсан бол энэ бүхэнтэй одоог хүртэл хамт байгаа хайртай хүн, хань ижилдээ, үр хүүхдүүддээ чин сэтгэлээсээ баярлаж байгаагаа илэрхийлэх нь зүйтэй. Амьдралд мөнгөнөөс илүү аз жаргал бэлэглэх зүйл ойрхон байсныг та мэдрэх болно.

Матар
Сарын эхэн үед таны идэвх чармайлт, авьяас билэг л эцсийн үр дүнд амжилт олох эсэхийг шийднэ. Од эрхсийн нөлөө танд алба ажлаас толгой өндийх зав өгөхгүй бололтой. Эрүүл мэндээ хамгаалж хоолны дэглэмээ мөрдөх нь таатай. Од эрхэс хайр дурлалын асуудлаар хэт хөөцөлдөх нь танд азгүйтлыг авчирна гэдгийг анхааруулж байна. Од эрхсийн нөлөө танд баяр хөөр бэлэглэж байна. Албан ажилд хүндрэл бэрхшээлүүд тохиолдох боловч нийтэч байдал болон хошин шогийн мэдрэмжээр эдгээрийг сааруулах болно. Таны мэдрэх чадвар ба зөн билэг хүчтэй байна. Сарын дундуур хамтрагч түншээс сайн мэдээ сонсож, борлуулалт болон үйлдвэрлэлийн шинэлэг таатай суваг нээгдэх магадлал ихэснэ. Зөрчил тэмцэлтэй ажил хэргийн холбоо таныг сэтгэлээр унагаж магад. Зарим хүмүүс ажил дээрээ алдаа гаргаж болзошгүй. Буруу зуршилд автан муу хүмүүст цаг заваа зарцуулахаас сэргийл. Гэр бүлийн харьцаан дахь таагүй байдал аажмаар засарна. Сарын сүүлээр хэрвээ та азтай байдлаа хамгийн сайнаар ашиглаж чадвал шагнал урамшуулал хүлээж байна. Та адал явдалд тэгтэл тэмүүлээгүй бол сэтгэл хөдөлгөсөн тоглоомоор бүү тогло. Дадсан хэв маяг, зан чанараа өөрчлөхийн тулд зоримог шийдвэр хэрэгтэй болно. Хайрттайгаа харьцахдаа уян хатан байж, харилцан буулт хийх зарчмыг баримтлах нь зүйтэй.

Хумх
Энэ сарын эхэнд сонголт хийхэд хүндхэн байх боловч эцсийн шийдвэрийг гаргахын өмнө сайтар тунгаан оюун санаагаа тайван байлгаж чадвал алдаанаас зайлсхийж чадна. Хумхынхан нууцлагдмал хайртай учирч магадгүй. Эрүүл мэнддээ анхаар. Ялангуяа зүрх судасны системдээ анхаарахгүй бол өвчлөх магадлал өндөр байна. Урлагийн авьяастай хумхууд онгодтой байх бололтой. Ажил чинь таалагдахгүй байгаа бол ажлаа солих талаар бодож эхэл. Сарын дунд үед хайрын харилцаанд ахиц дэвшил анзаарагдана. Бусадтай харилцах харьцаа тань сэтгэл татам байна. Томоохон хөрөнгө оруулалт хийхэд ээлтэй. Од эрхэс танд орчноо эсвэл ажлын нөхцөл байдлаа өөрчлөх шинэчлэх нь зайлшгүй болсныг сануулж байна. Хүч чадлаа дэмий зүйлд зарах хэрэггүй. Өөрийнхөө зохион байгуулах ур чадварыг ашиглан үүрэх ачаагаа зохицуулбал та цагийг хөгжилдөхөд зориулах боломжтой болно. Ажил хэрэг болон хөрөнгө оруулалтад сайнаар нөлөөлөх үйл явдал тохиолдож болзошгүй. Сарын сүүл рүү өндөр албан тушаалтай хумхынханд таагүй хандлага зонхилно. Нөлөө бүхий хүмүүсийн дэмжлэг хэрэгтэй болж болзошгүй. Эрүүл мэнддээ онцгой анхаарал хандуул. Од эрхэс хурц мэдрэмжтэй үедээ хэлэх үгээ сайн бодож байхыг зөвлөж байна. Болгоомжтой байхгүй бол од эрхсийн хоорондын харилцан үйлчлэлээр танд хоёрдмол нөлөөлөл ирнэ. Хайр сэтгэлийн хэлхээ холбоо тань хөнгөн хийсвэр, богино настай байж болзошгүй.

Загас
Энэ сарын эхэнд өөртөө эрдэж бардам зан гаргавал бэртэл авч болзошгүй тул болгоомжтой бай. Таны тэсвэр хатуужлыг амьдрал шалгана. Од эрхсийн нөлөөгөөр ажил дээр хэд хэдэн эмзэг нөхцөл байдалтай тулгарна. Гэхдээ албан тушаал дэвших боломж таны өмнө гарч ирнэ. Хайр дурлалын асуудалд өршөөл уучлал үйлдэх нь таатай. Уран бүтээлийн ажлыг од эрхэс ивээнэ. Муу зуршлаас хол байхыг хичээ. Сарын дундуур урьдын мартагдсан зүрх сэтгэлийн харилцааг санагалзуулах үйл явдал болох бололтой. Алдартай загасынхан шүтэн бишрэгчдийнхээ анхаарлын төвд байх ба хэн нэгэн нь таны нэр хүндийг ашиглахыг хүснэ. Таны хувийн амьдралд таагүй нөлөө үзүүлэх гэнэтийн нөхцөл байдлаас болгоомжлохыг од эрхэс анхааруулж байна. Асуудалтай шууд нүүр тулах, бэрхшээлийг газар дээр нь шийдэх нь хамгийн шилдэг стратеги байх болно. Сарын сүүл рүү од эрхсийн чиг хандлага бага зэрэг тодорхойгүй байна. Ажил хэргийг заримдаа урсгалаар нь орхиж хажуугаас нь ажиглаж дүгнэлт хийх нь өвөрмөц шийдэл юм. Зүрх сэтгэлийн асуудал дээр гэнэтийн таатай үйл явдал болно. Гэхдээ тохиолдлын танилаас болж та хувийн амьдралд сөрөг нөлөө ирнэ. Ойр дотнын хүмүүсээ халамжлах нь эерэг нөлөөг авч ирнэ.

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр