Өнөөдрийн мэдээ

Өмнөх мэдээ

Э. Содномпилжээ ДАШТ-ээс мөнгөн медаль хүртлээ

Японы Токио хотод Классик пауэрлифтингийн хэвтээ шахалтын Дэлхийн аварга шалгаруулах тэмцээн эдгээр өдрүүдэд болж байна. Тэмцээний эрэгтэйчүүдийн -105 кг-д Гавьяат тамирчин Э.Содномпилжээ 247 кг-ыг шахаж мөнгөн медаль хүртлээ. Түүний жинд АНУ-ын тамирчид алт, хүрэл медалын эзэд болсон байна. “Рио 2016” паралимпийн наадмын хүрэл медальт Э.Содномпилжээ энэ жилээс эхлэн эрүүл тамирчидтай өрсөлдөж эхэлсэн бөгөөд хэвтээ шахалтын Дэлхийн аварга шалгаруулах тэмцээнээс мөнгөн медаль хүртлээ. Мөн Монголын баг тамирчдаас залуучуудын Дэлхийн аварга шалгаруулах тэмцээний 74 кг-д өрсөлдсөн Э.Галбаяр 170 кг шахаж, хүрэл медаль хүртсэн юм. Ахмад тамирчдаас 105 кг-д Ц.Мөнхбаатар 182.5 кг-ыг шахаж мөнгөн медаль хүртэн баг тамирчдынхаа амжилтыг эхлүүлсэн. Токио хотод болж буй Классик паурэлифтингийн хэвтээ шахалтын Дэлхийн аварга шалгаруулах тэмцээн энэ сарын 26-ны өдрийг хүртэл үргэлжилнэ.

Сэтгэгдэл бичих

АНХААРУУЛГА: Уншигчдын бичсэн сэтгэгдэлд JIRGEE.mn мэдээллийн сайт хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7000-1577 утсаар хүлээн авна.

Оруулах

Сэтгэгдэлүүд

Одоогоор сэтгэгдэл бичээгүй байна.

Ажлын байр